2022 ОНЫ ГУРАВДУГААР САРЫН ГУРАВДУГААР АРАВ ХОНОГИЙН ЦАГ АГААРЫН ТОЙМ

/2022 оны 3 дугаар сарын 21-31-ний байдлаар/

Агаарын  температур:

              Дорнод аймгийн нутгаар  агаарын дундаж температур  0.8...4.6  хэм хүйтэн буюу Чойбалсан хот, Баяндун, Сэргэлэн сумын нутгаар олон жилийн дундажаас  0.2...0.6  хэм хүйтэн, бусад сумдын нутгаар 0.2...4.6  хэм дулаан  байна. /Зураг.1/  Агаарт үнэмлэхүй их температур  5...10  хэм дулаан,  үнэмлэхүй бага температур  13…16  хэм хүйтэн байна.  

Хөрсний гадаргын температур:  Хөрсний гадаргын дундаж температур 1...3 хэм хүйтэн, үнэмлэхүй их /халуун/ нь 9...28 хэм  дулаан, үнэмлэхүй бага /хүйтэн/ нь  12...18 хэм хүйтэн байлаа.

Хур тунадас:  Нийт сумдын нутгаар  0.1...9.6 мм хур тунадастай, 1-4  өдөр орсон. Баянтүмэн, Булган, Халхгол сумын төв, Чойбалсан хот,  Халхгол Ялалт багаар, Сэргэлэн, Хөлөнбуйр, Цагаан-Овоо  сумдаар  олон жилийн  дундажаас их , бусад сумдын нутгаар олон жилийн дундажаас бага  хур тунадас орсон байна.  Дашбалбар, Чулуунхороот сумын нутгаар  хур тунадас ороогүй.  /зураг-2/  

Салхи шуурга:  Салхины хамгийн их хурд нийт нутгаар  8-22 м/сек байна. Баяндун, Баян-Уул, Чойбалсан хот, Дашбалбар, Матад, Халхгол сумын төв, Халхгол Ялалтын баг, Хэрлэн, Гурванзагал, Чулуунхороот сумын нутгаар 10-22  м/с, бусад сумдын нутгаар 8-9  м/сек байна. 10 м/с-ээс дээш салхитай өдөр  1-6 өдөр ажиглагджээ.

Хөдөө аж ахуйн үйлдвэрлэлд:   Нийт сумдын нутгаар  бог, бод мал төллөх, ямааны ноолуур самнах, Гурванзагал суманд мал оторлох, Булган, Дашбалбар, Гурванзагал суманд нэмэгдэл тэжээл өгөх,  Баян-Уул суманд хужир шүү бэлтгэх ажил тус бүр явагдаж байна.

Дорнод аймаг УЦУОШТөв